Léirmheas ar Irish Bardic Poetry and Rhetorical Reality (O Riordan).

Abstract

Sa léirmheas seo féachtar ar Irish Bardic Poetry and Rhetorical Reality le Michelle O Riordan. Is saothar substaintiúil taighde é an leabhar seo ar cháilíochtaí liteartha fhilíocht na mbard. Cuireann an staidéar béim ar shainiúlacht liteartha na bairdne ach ní thréigeann sé an obair atá déanta sa réimse taighde ag focleolaithe agus ag staraithe araon. Tógann an leabhar ar an obair sin tríd an bhfráma tagartha ina bpléitear an fhilíocht a leathnú amach chun peirspictíocht aeistéitiúil a sholáthar agus go háirithe trí mhionstaidéar a dhéanamh ar theicnící liteartha na ndánta. Tá an saothar bunaithe ar an tuiscint go raibh tionchar suntasach ag teagaisc éagsúla Eorpacha maidir le healaín na reitrice ar fhilíocht na mbard.