Laochas, Lot agus Lúba na Beatha: Léirmheas ar Beatha Dhónaill Dhuibh (Ó Súilleabháin).

Abstract

Is cnuasach filíochta é Beatha Dhónaill Dhuibh ina dtéann Séamus Barra Ó Súilleabháin i ngleic go cruthaitheach le raidhse de théamaí comhaimseartha agus ina ndéanann sé plé nuálach ar leith ar an ngalar intinne. Sa léirmheas seo, tabharfar spléachadh tosaigh ar an léargas ar an gcoinníoll daonna a ofrálann Ó Súilleabháin sa trí chuid éagsúla dá chnuasach – ‘Beatha Dhónaill Dhuibh’; ‘Loitríocht’ agus ‘Gunsaku Tuathail.’ Ina dhiaidh sin pléifear gnéithe den stíl a chleachtann sé agus déanfar an saothar ina iomláine a mheas.