“We wanted to reignite the love for the language in our children.” Dearcthaí tuismitheoirí maidir le hoideachas lán-Ghaeilge a roghnú

Abstract

Tá sé mar aidhm ag an taighde seo inniúchadh a dhéanamh ar thaithí tuismitheoirí le hoideachas lán-Ghaeilge. Rinneadh an taighde seo le tuismitheoirí na Naíonán Sinsearach i nGaelscoil amháin i gContae Átha Cliath. Breathnaíodh ar na cúiseanna ar roghnaigh na tuismitheoirí seo an tumoideachas dá bpáiste, cén ábhair imní a bhí orthu maidir leis an teanga sular thosaigh a bpáiste, agus conas a bhraitheann siad faoi na topaicí sin anois. Táthar ag súil go gcabhróidh an taighde seo le múinteoirí, scoileanna, agus leis an earnáil lán-Gaeilge ina iomláine chun tuiscint níos fearr ar dhearcaí agus imní na dtuismitheoirí a n-oibríonn siad leo agus conas go bhféadfaidís tacú leo. Tacóidh an taighde seo le tuismitheoirí atá ag smaoineamh ar an nGaelscolaíocht cinneadh eolasach a dhéanamh bunaithe ar thaithí daoine eile. Tugadh suirbhé anathnaid do na tuismitheoirí meascán de cheisteanna cháilíochtúla agus chainníochtúla mar is ábhartha. Bhí deiseanna ag na rannpháirtithe a gcuid fregraí a leathnú má’s cuí agus bhí ceisteanna éigeantach agus roghnach ann. Rinneadh anailís théamach ar na freagraí seo agus codú ar ainmneacha an rannpháirtithe. Bhí na hábhair imní agus na cúiseanna a roghnaíodh an Gaeloideachas a léirigh tuismitheoirí i gcomhréir le taighde comhchosúil a rinneadh roimhe seo. Léirigh na tuismitheoirí an-suim i bhfoghlaim a leanaí agus an-mheas ar an teanga. Luaigh go leor rannpháirtithe go raibh fonn orthu níos mó Gaeilge a úsáid sa bhaile ó a thosaigh a bpáistí san Ghaelscoil. Ar an iomlán, bhí imní na dtuismitheoirí réitithe faoin am a rinneadh an taighde seo i dtéarma 2 sna Naíonáin Shinsearacha. Bhí an-suim ag na tuismitheoirí a bheith níos rannpháirtí in oideachas a bpáistí agus an Ghaeilge a chur chun chinn taobh amuigh den scoil. Tugadh neart comhairle do thuismitheoirí nua agus scoileanna mar aon ó pheirspictíocht an tuismitheora.