Tadhg mac Gearóid Uí Rodaighe agus a mhuintir

Abstract

Rinneadh an taighde ar an teidil réamhluaite trí mhórán lámhscríbhinní sna hinstitiúidí éagsúla, Is. TCD H. 6. 15. go príomha, a chóipeáil, de scríobh láimhe agus a iniúchadh go mion le linn na hoibre sin féin agus ina dhiaidh. Iniúchadh mar a chéile leaganacha foilsithe de na dánta agus leadh go mion na haltanna a bhain, ar aon bhealach, le Tadhg Ó Rodaighe agus lena mhuintir. Tugtar cuntas ar Thadhg mac Gearóid Uí Rodaighe ag tús an tráchtais agus dealaítear é ó fhear eile den ainm céanna, Tadhg (Óg) mac Taidhg mhic Bhriain Bhuidhe Uí Rodaighe. Déantar cur síos orthu beirt san ord céanna sin. Breathnaítear ar Fhionnghuala Nic Con Mara, bean chéile Thaidhg mhic Gearóid Uí Rodaighe, ar a muintir agus tagraítear do Ruaidhrí Ó Seachnasaigh Ghuaire, fear láidir sa chomharsanacht inar lonnaigh Tadhg agus Fionnghuala seal de bhlianta. Roinntear chomh maith eolas ar Chomharbaí Chaillín, is é sin, muintir Uí Rodaighe.