Cur i bhfeidhm an FCÁT i scoileanna Béarla: Dearcthaí agus tuairimí múinteoirí

Abstract

Rinne an taighde seo staidéar ar na tuairimí agus dearcthaí atá ag múinteoirí bunscoile in Éirinn ar an bhFoghlaim Chomhtháite Ábhar agus Teanga (FCÁT). Toisc go bhfuil béim curtha ar an FCÁT i gCuraclam Teanga na Bunscoile, cuireann an taighde seo béim ar na múinteoirí a bheidh á úsáid. Baineadh úsáid as cur chuige cáilíochtúil chun dhá agallamh a chur ar deichniúr múinteoirí bunscoile atá ag múineadh i mbunscoil Bhéarla in Éirinn. Chaith na rannpháirtithe ceithre seachtaine ag baint triail as an FCÁT ina gcomhthéacs féin agus bhí siad páirteach i bPobal Cleachtais. Léirigh na torthaí nach bhfuil oiliúint ar na rannpháirtithe agus go raibh deacrachtaí acu leis an teanga, le hacmhainní agus leis an gcur chuige FCÁT go ginearálta. Luaigh na rannpháirtithe buntáistí an FCÁT ach go raibh tacaíocht bhreise uathu go forleathan. Taispeánann an taighde seo an gá atá ann tuilleadh oiliúna agus tacaíochta a sholáthair do mhúinteoirí bunscoile chun cur i bhfeidhm an FCÁT a fheabhsú agus a leathnú. Tá an tacaíocht seo ag teastáil uathu ag leibhéal na scoile agus na Roinne.