An Chinnteoireacht a Dhéanann Ceannairí Scoile Maidir le Dúshláin agus Fadhbanna i gCóras na Gaelscolaíochta

Abstract

Tugann an taighde seo léargas ar na cuir chuige agus straitéisí is éifeachtaí a mbaineann ceannairí Ghaelscoileanna úsáid astu agus iad ag plé le dúshláin agus fadhbanna ina gcomhthéacs scoile féin. Roghnaíodh an taighde seo ag eascairt ó na hathruithe socheolaíochta in Éirinn le blianta beaga anuas agus na hathruithe atá ar chomhthéacs an oideachais agus an cur chuige atá ag ceannaireacht an tumoideachais dá bharr. Táthar ag súil go mbeidh na torthaí mar áis thagartha fhiúntach do cheannairí Ghaelscoileanna agus do na grúpaí a thugann tacaíochtaí foirmiúla agus neamhfhoirmiúla do cheannaireacht na Gaelscolaíochta.