Dearcadh Mhúinteoirí i nGaelscoileanna i leith cur i bhFeidhm an Dearadh Uilíoch don Fhoghlaim sa Seomra Ranga

Abstract

Bhain an tráchtas seo le dearcthaí múinteoirí i nGaelscoileanna maidir le cur i bhfeidhm an Dearadh Uilíoch don Fhoghlaim. Bhí sé mar aidhm ag an taighde tuiscint a fháil ar na féidearthachtaí agus na dúshláin dar le múinteoirí ranga i suíomh bunscoile lán-Ghaeilge. Baineadh úsáid as modheolaíocht an chás-staidéar agus bhí triúr rannpháirtithe páirteach sa taighde. Fiosraíodh conas is féidir le DUF cur le foghlaim ionchuimsitheach, go háirithe i gcomhthéacs lán-Ghaeilge ina mbíonn éagsúlacht teanga agus foghlama ag méadú go suntasach. Mar phríomhchonclúid, tugann an tráchtas le fios go bhfuil an DUF ina uirlis luachmhar a d’fhéadfadh cur go mór le cleachtas múinteoirí i suíomhanna lán-Ghaeilge, ach go bhfuil gá le tacaíocht shonrach agus forbairt ghairmiúil leanúnach chun a chinntiú go gcuirtear an creat i bhfeidhm go comhsheasmhach.